Fushë Krujë, gjendet e vdekur 18-vjeçarja - Thesari

FUSHE KRUJE - Sot në mëngjes rreth orës 07:00 buzë një kanali pranë fshatit Bilaj të Fushë Krujës është gjetur trupi i pajetë i një 18 vjeçareje.

Policia thotë se viktima është Enkelejda Mëhilli, 18 vjeçe.

Nga të dhënat e para dyshohet se viktima ka gjetur vdekjen nga përplasja e një makine, pranë shtëpisë së saj, ndërkohë që familjarët hedhin dyshimet për një vrasje në tentativë për grabitje meqë vajza e re punonte në një fabrikë këpucësh dhe dje kishte marrë rrogën. Trupi i saj u gjet nga i ati.  Një grup hetimor po punon për zbardhjen e shkaqeve.