MENU
Thesari.com © 2001 - 2020

Gjykata dënon me burgim të përjetshëm Aldo Hoxhën - Thesari

E Mërkurë 04 Dhjetor, 2013
Gjykata dënon me burgim të përjetshëm Aldo Hoxhën

aldo_hoxha

Gjykata e Tiranës ka dënuar me burgim të përjetshëm Aldo Hoxhën, duke e shpallur fajtor për vrasjen e Fatbardha Tafës, rreth një viti më parë në kryeqytet.

Gjatë leximit të vendimit, gjyqtari i çështjes tha se është provuar akuza që rëndon mbi të riun Aldo Hoxha, prandaj dhe ai dënohet me burgim të përjetshëm.

Aldo Hoxha akuzohet se, në zonën e fushës së Aviacionit, në tentativën për grabitje ka qëlluar me thikë duke vrarë Fatbardha Tafën. E gjithë ngjarja ndodhi pasi i dënuari donte t’i merrte varësen e florit viktimës.

Në seancën e datës 23 tetor, prokurori Endrit Bimi kërkoi burg për jetë për 20-vjeçarin Hoxha. Sipas prokurorisë, ekzistojnë të gjitha provat që 20-vjeçari të shpallet fajtor për vrasje dhe të dënohet me burg përjetë.

Nga ana tjetër, pala mbrojtëse mohon akuzat me pretendimin se i pandehuri nuk ka qenë në vendin e ngjarjes. Mbi Aldo Hoxhën rëndojnë akuzat e “vjedhjes me pasojë vdekjen” dhe “plagosjes së lehtë me dashje”, në dëm të Lumturie Gjanës, motrës së viktimës Fatbardha Tafa.

Jep një mendim
Komentet publikohen direkt pa censurë. Mundohuni ti përshtateni etikës së komunikimit.*
* Administratori rezervon te drejten per te edituar ose fshire komentet
A keni besim se qeveria Rama 2 do e përmirësojë jetën tuaj?